Сүхбаатар аймгийн МАНЛАЙ ЗААН Дарьсүрэнгийн ЭНХНАРАН-д хүндэтгэл үзүүлэх Үндэсний бөхийн өсвөрийн барилдааныг " ЁСТЫН ӨСӨХ ДАРХАН"дэвжээнээс зохион байгуулж байна. Тэрээр аймгийнхаа баяр наадамд 3 удаа үзүүрлж 2 удаа шөвгөрсөн амжилт үзүүлсэн байдаг. Энэхүү арга хэмжээнд тус аймгийн 10 сумын 120 гаруй өсвөр үеийн бөхчүүд оролцож байгаа бөгөөд мөн сумын ИТХ-ын дарга Г.Хүрэлсүх, "ЁСТЫН ӨСӨХ ДАРХАН" дэвжээний дэд тэргүүн сумын Засаг дарга Б.Батхүрэл, Манлай заан Д.Энхнаран аймгийн БТСГ-ын дарга асан Б.Өлзийтогтох, БТСГ-ын удирдлагууд зэрэг олон зочид хүрэлцэн иржээ. Эрхэм найздаа эрүүл энх саруул сайхныг хүсэн ерөөе. 2023.02.04

Өнөөдөр Их Жанжин Д.Сүхбаатарын мэндэлсэний 130 жилийн ойн арга хэмжээг төрөлх нутгийнх нь ард олон, төр засгийн удирдлагууд нь хамтдаа өргөн хүрээнд олон ажил арга хэмжээ зохиогдлоо. Их Жанжин Д.Сүхбаатарын талаар ШУА-ийн Түүх, археологийн хүрээлэнгийн орлогч эрдэмтэн, доктор Н.Хишигт, МУСГЗ Сэтгүүлч, зохиолч, судлаач Г.Бадамсамбуу нар Засаг дарга Bathurel Batsuh -ийн урилгаар хүрэлцэн ирж лекц, илтгэл тавилаа. Мөн ойн хүрээнд хүүхэд, насанд хүрэгчдийн ангиллаар гар бөмбөгийн тэмцээн, шүлгийн уралдаан, номын үзэсгэлэн, Орон нутгийг судлах Музейдээ Жанжны болон аймаг, сумын холбогдолтой зүйлсээр сонирхолтой үзмэр дэлгэгдэж 7 хоног иргэдэд үйлчлэх юм. Энэ өдөр Их Жанжин Д.Сүхбаатарын зээ бэлтгэл хурандаа Цогтын Хүрэлсүх өвөөгийнхөө одонгоор "СҮХБААТАРЫН ОДОН"-гоор шагнагдлаа. Мөн Эрхэм ах Энхбат Хон Хэрээдийн маань Жанжны хүй цөглөсөн газар түүний хөшөөнд хүндэтгэл үзүүлсэнээ дуулгалаа. Их Жанжин Д.Сүхбаатараа илүү судалж, мэдэх зайлшгүй шаардлагатай гэж боддог доо.....02.02.

ИТХ-ын даргын өрөөнд ЧИНГИС ХААНЫ эш хөрөг болон 1992 оноос өнөөг хүртэл ИТХ-ын үе үеийн дарга, Тэргүүлэгчдийн дарга нарын зургийг байршууллаа. 2023.01.19

Цахим Монгол зорилтын хүрээнд Монгол Улсын Засгийн Газрын 138-р тогтоол, АДЗ-ын 2020-2024 оны Үйл ажилгааны хөтөлбөрт тусгагдсан "Цахим Сүхбаатар" болох зорилт, төрийн алба цахимжиж, цахимжсанаар төрийн үйлчилгээ ил тод, нээлттэй шуурхай хүрэх боломж бүрдэж байна. E.Mongolna-д 73 үйлчилгээ цахимжаад байгаа юм байна. 2023.01.18.

Монгол Улсын Үндсэн Хуулийн өдөрт зориулан Сумын ИТХ-с зохион байгуулсан "ҮНДСЭН ХУУЛИЙН МЭДЛЭГ" дугуй ширээний ярилцлага амжилттай боллоо. Үндсэн хуулийн хоёрдугаар бүлэг "Хүний эрх, эрх чөлөө" талаарх мэдлэг, мэдээлэл, солилцсон, шинэ санаа дэвшүүлсэн, цензүргүй чөлөөтэй ярилцаж оролцсон бүх хүмүүстээ чин сэтгэлийн талархал илэрхийлье. Дэмжиж хамтран ажилласан Түүх, Нийгмийн багш Ж.Ариунбат, Соёлын төвийн хамт олондоо ажлын амжилт хүсье. 2023.01.13

Монгол адууны өв соёлыг сурталчлах, түгээн дэлгэрүүлэх зорилгоор Улсын Тэргүүний Сүхбаатар сумын ЗДТГ, Биеийн тамирын арга зүйч Ц.Ган-Өлзий, 1-р багийн засаг дарга Б.Баттулга, "Адуучдын холбоо", Соёлын төв хамтран "Түмэн адууны баяр"-т зориулсан Сумын аварга адуучин шалгаруулах "АДУУЧИН" тэмцээнийг амжилттай зохион байгууллаа. Тэмцээнд нийт 67 адуучин залуус оролцсон бөгөөд Тэргүүн байранд 3-р багийн адуучин Б.Бүдрагчаа, Дэд байранд 1-р багийн адуучин Г.Бумбаяр, Гутгаар байранд 4-р багийн адуучин С.Ганзориг, 4-р байранд 5-р багийн адуучин Б.Адъяацэнд, 5-р байранд 3-р багийн адуучин Пүрэвдаш нар шалгарлаа. "АДУУЧИН" тэмцээний 1-р байрыг Улсын аварга малчин М.Ариунбаатар хурдан удмын адуугаар 2-р байрыг 1-р багийн малчин Д.Хангайрашаан адуугаар 3-р байрыг 1-р багийн мянгат малчин Ц.Чимэдрэгзэн 300.000 төгрөгөөр 4-р байрыг 1-р багийн харъяат бизнесмэн Э.Мөнхнаран 200.000-өөр 5-р байрыг Аймгийн аварга малчин О.Баярхүү 200.000 төгрөгөөр тус тус ивээн тэтгэлээ. Тэмцээнд идэвхитэй оролцсон болон шилдгээр шалгарсан адуучин залуустаа халуун баяр хүргэе. 2023.01.06

Гэмт Хэргээс Урьдчилан сэргийлэх ажлыг зохицуулах салбар зөвлөл /ГХУСАЗСЗ/-ийн ажлын хүрээнд "ЗӨВӨӨР ЗӨВЛӨЕ- УРЬДЧИЛАН СЭРГИЙЛЭХ" нэг сарын аяны хүрээнд зохион байгуулсан "АРХИГҮЙ ОРЧИН" эссэ бичгийн уралдааны ЁБС-ийн ахлах, дунд ангийн сурагчдын дунд зохион байгуулж оролцогчдыг шалгаруулав. Уг уралдаанд нийт 21 сурагчид оролцож, байр эзэлсэн сурагчдад ИТХ-ын дарга Г.Хүрэлсүх шагналыг гаруулж өглөө. 2022.12.06

Орон даяар 2022 оны Жилийн эцсийн мал тооллого эхэллээ. Мал тооллого 2022 оны 12 сарын 07-17 өдрүүдэд явагдана. Тус сум 5 багт 13 хэсгийн зохион байгуулалтаар мал тооллогын ажлыг зохион байгуулж байна. Хэсэг тус бүр Мал тооллогын сургалт сименар, заавар зөвлөмжөө аван 4-5 хүний бүрэлдэхүүнтэй тус бүр нэг тээврийн хэрэгсэлтэй ажиллаж байна.

УИХ-ын даргын ивээл дор зохион байгуулсан Шатрын тэмцээн зохион байгуулагдлаа. Уг тэмцээнд нийт эрэгтэй 8 шатарчин оролцсоноор Тэргүүн байр О.Түмэнжаргал, дэд байр Г.Арслан нар шалгаран аймагт болох сонирхогчдын шатрын тэмцээнд оролцох эрхээ авлаа.Уг тэмцээн нь ОУ /ФАДЕ/ МШХ-ны дүрэм, Швейцари системээр зохиогдов. 11.30

Нутгийн өөрөө удирдах байгууллага үүсэж хөгжсөний 30 жилийн ойн баярын хурал болов. 2022.11.22-23 30 жилийн ойн хүрээнд Төрийн болон Нутгийн Удирдлагын холбррны шагналаар дараах хүмүүс шагнагдав. Аймгийн Засаг Даргын Жуухаар ИТХ-ын Төлөөлөгч С.Лхагвадорж, АИТХ-ын баярын бичиг ИТХ-ын Төлөөлөгч асан Л.Баатарчулуун, Нутгийн Удридлагын Холбооны Соёмбо медалиар ИТХ-ын Нарийн бичгийн дарга асан Л.Намхай нар .

Хатагин овогтоны Их Хар Сүлдыг тахиж, цэнгүүлэх ёслол "ХАТАГИН ТҮМНИЙ V ИХ НААДАМ" нь 5 дах удаагаа амжилттай зохион байгууллагдлаа. Уг наадмыг анх санаачилж зохион байгуулсан эрхэм хүмүүс УИХ-ын гишүүн асан МУГБарилгачин Р.БУД, / замын Буд/ МУСГЗ их дуун хөврүүлэгч Го.АКИМ, Монгол Улсын хүндэт чикест, хурандаа, зохиолч, Хутагт судлаач Д.ЦОГТ-ОЧИР зэрэг Дорнод аймгийн Матад сум, Сүхбаатар аймгийн Эрдэнэцагаан сум, Сүхбаатар сумын төлөөлөл болсон дээрх эрхэм хүмүүс 2009 оны 09 сарын 09 өдөр 09:09 минутад эхлүүлж байсан түүхтэй.

Зуны тэргүүн сарын шинийн гурван "ДАРХАНХААН" цолт Баянмөнххан уулын их тахилга Үндэсний бөх, Үндэсний сурын харвааны бай шагналыг тус сумын 1976, 1977, 1978 оны төгсөгчид ивээн тэтгэлээ. Нийт төгсөгчид нартаа ИТХ-ын төлөөлөгчид талархал илэрхийлж байна. Ойн арга хэмжээнд нь амжилт хүсье. 2022.05.03

"СҮХБААТАР-80" урлагийн наадмын нээлтийн үйл ажиллагаа. Баруун-Урт хот 2022-05-04 боллоо. "ЖАНЖНЫ НУТГИЙН ДУУЛАЛ " авьяаслаг уран бүтээлч хамт олонд амжилт хүсье.

МАЛЧИД ЗӨВЛӨЛДӨЖ БАЙНА "Шинэ мэдээллээр оюунаа цэнэглэж сумынхаа хөгжилд хамтдаа зүтгэе" уриан дор Малчид зөвлөлдөж байна. Уг зөвлөгөөнд Улс, аймаг, сумын аварга, мянгат малчин нийт 150 малчид мал аж ахуйн салбар болон орон нутагт малчдын талаар тулгамдаж байгаа асуудалаа ярилцаж байна.

"ТЭРБУМ МОД" "Шинэ мэдээллээр оюунаа цэнэглэж сумынхаа хөгжилд хамтдаа зүтгэе" уриатай МАЛЧДЫН ЗӨВЛӨГӨӨНД оролцож буй малчид Монгол улсын ерөнхийлөгч Ухнаагийн Хүрэлсүхийн санаачилсан "ТУРБУМ МОД" хөтөлбөрийг дэмжин малчин бүр нэг мод тарьсанаар орон нутагтаа уг хөтөлбөрийг эхлүүллээ.04.27

Жендэрийн үндэсний хорооноос жендэр, жендэрийн ялгаварлан гадуурхалт, жендэрт суурилсан хүчирхийлэл түүнээс урьдчилан сэргийлэх, гэр бүлийн харилцаан дахь жендэрийн хэвшмэл ойлголтыг нэмэгдүүлэх, тулгамдаж буй асуудлыг мэдээлэх, холбогдох төрийн байгууллагуудад хүргэх, олон нийтийн дуу хоолойг сонсох, асуудлыг шийдвэрлэх арга замыг тодорхойлох зорилгоор “Харилцан хүндэтгэе” аяныг 2022 оны 03 дугаар сарыг дуустал улсын хэмжээнд амжилттай зохион байгуулж байна.

Зуны тэргүүн сарын шинийн гурван "ДАРХАНХААН" цолт Баянмөнххан уулын их тахилга Үндэсний бөх, Үндэсний сурын харвааны бай шагналыг тус сумын 1976, 1977, 1978 оны төгсөгчид ивээн тэтгэлээ. Нийт төгсөгчид нартаа ИТХ-ын төлөөлөгчид талархал илэрхийлж байна. Ойн арга хэмжээнд нь амжилт хүсье. 2022.05.03

"ӨӨРЧЛӨЛТИЙГ ӨӨРӨӨСӨӨ" өдөрлөг Сүхбаатар аймгийн Залуучуудын холбооноос санаачлан аймгийн ИТХ, ЗДТГ зэрэг 20 гаруй залуучуудын бүрэлдэхүүн Сумын ИТХ-ын дарга Г.Хүрэлсүхтэй уулзаж ажилаа товч танилцууллаа.

Тус сумын Шинэбулаг 5р багт болох нөхөн сонгуулийг зохион байгуулах сумын сонгуулийн хороо ээлжит хуралаа хийлээ.

Зуны тэргүүн сарын шинийн гурван Буян хишгийн даллагатай билигт сайн өдөр нутгийн шүтээн ДАРХАНХААН уулаа нутгийн зон олон тахилга зан үйлээ хийж тайж аргадлаа. Найман настай балчираас наян давсан буурлууд хүртэл хол ойроос зорин ирж уул овоонд хүндэтгэл үзүүлэн ажил амьдралаа даатган залбирч нутаг усаа баясгалаа. 05.03